ബര്‍ലിന്‍: ജര്‍മ്മനിയില്‍ വേനല്‍ക്കാലം കടുത്തതോടെ രാജ്യം ശക്തമായ ഉഷ്ണതരംഗത്തിന്റെ (Heatwave) പിടിയില്‍. പല പ്രവിശ്യകളിലും താപനില 35 ഡിഗ്രി സെല്‍ഷ്യസും കടന്ന് ചുട്ടുപൊള്ളുന്ന ചൂടിലേക്ക് മുന്നേറുകയാണ്. വരും ദിവസങ്ങളില്‍ രാജ്യത്തെ അന്തരീക്ഷ താപനില 40 ഡിഗ്രി സെല്‍ഷ്യസ് വരെ ഉയര്‍ന്നേക്കാമെന്നാണ് കാലാവസ്ഥാ നിരീക്ഷകരുടെ മുന്നറിയിപ്പ്.
ജനങ്ങള്‍ ചൂടില്‍ നിന്നും രക്ഷനേടാന്‍ നദികളിലേക്കും സ്വിമ്മിംഗ് പൂളുകളിലേക്കും ലേക്കുകളിലേക്കും ഒഴുകിയെത്തുന്നതിനിടയില്‍, കിഴക്കന്‍ ജര്‍മ്മനിയില്‍ നിന്നും തികച്ചും വിചിത്രമായ ഒരു വാര്‍ത്ത പുറത്തുവന്നിരിക്കുകയാണ്.
"ജര്‍മ്മന്‍ ഭാഷ അറിയില്ലെങ്കില്‍ തടാകത്തില്‍ ഇറങ്ങേണ്ട"
കിഴക്കന്‍ ജര്‍മ്മന്‍ നഗരമായ ഹാലെയിലെ (Halle) പ്രശസ്തമായ 'ഹൈഡെബാഡ്' (Heidebad) തടാകക്കരയിലാണ് അധികൃതര്‍ പുതിയ നിബന്ധന ഏര്‍പ്പെടുത്തിയിരിക്കുന്നത്. ഇവിടെയെത്തുന്ന സന്ദര്‍ശകര്‍ക്ക് നീന്തല്‍ അറിയാം എന്ന് മാത്രമല്ല, അവിടുത്തെ ആരോഗ്യ~സുരക്ഷാ നിയമങ്ങള്‍ കൃത്യമായി മനസ്സിലാക്കാന്‍ പാകത്തില്‍ ജര്‍മ്മന്‍ ഭാഷ സംസാരിക്കാനും അറിയണം എന്നാണ് പുതിയ നിയമം.തടാകത്തിലെ സുരക്ഷാ ക്രമീകരണങ്ങള്‍ കൈകാര്യം ചെയ്യുന്ന മത്തിയാസ് നോബല്‍ (Mathias Nobel) ആണ് ഈ കടുത്ത തീരുമാനം എടുത്തത്. കഴിഞ്ഞ ആഴ്ച ജര്‍മ്മന്‍ ഭാഷ അറിയാത്ത ഒരു കുടുംബത്തിലെ ചെറിയ കുട്ടി ആഴമേറിയ വെള്ളത്തില്‍ മുങ്ങിത്താഴുകയും, ലൈഫ് ഗാര്‍ഡ് കൂടിയായ മത്തിയാസ് തന്നെ നേരിട്ട് കുട്ടിയെ രക്ഷപ്പെടുത്തുകയും ചെയ്തിരുന്നു."ഞങ്ങളുടെ തടാകത്തിന് 13 മീറ്ററിലധികം ആഴമുണ്ട്. കുട്ടികള്‍ക്കും അവരെ നോക്കുന്ന മുതിര്‍ന്നവര്‍ക്കും ലൈഫ് ഗാര്‍ഡുകള്‍ നല്‍കുന്ന സുരക്ഷാ നിര്‍ദ്ദേശങ്ങള്‍ മനസ്സിലാക്കാന്‍ കഴിഞ്ഞില്ലെങ്കില്‍ അത് വലിയ അപകടങ്ങള്‍ക്ക് കാരണമാകും. ട്രാന്‍സ്ളേഷന്‍ ആപ്പുകള്‍ ഉപയോഗിച്ച് ആളുകളെ കാര്യങ്ങള്‍ ധരിപ്പിക്കാന്‍ ജീവനക്കാര്‍ക്ക് സമയമില്ല. ആരുടെയും വികാരങ്ങളെ വ്രണപ്പെടുത്താനല്ല ഇത്, മറിച്ച് മനുഷ്യജീവന്‍ സംരക്ഷിക്കാനാണ്," മത്തിയാസ് നോബല്‍ വ്യക്തമാക്കി.
തദ്ദേശ സ്ഥാപനങ്ങള്‍ വന്‍ കടക്കെണിയിലെന്ന് മുന്നറിയിപ്പ്:
ഉഷ്ണതരംഗം ഒരു വശത്ത് പ്രതിസന്ധി സൃഷ്ടിക്കുമ്പോള്‍, ജര്‍മ്മനിയിലെ പ്രാദേശിക മുന്‍സിപ്പാലിറ്റികളും കൗണ്‍സിലുകളും (Kommunen) കടുത്ത സാമ്പത്തിക പ്രതിസന്ധി നേരിടുന്നതായി ചാന്‍സലര്‍ ഫ്രീഡ്രിഷ് മെര്‍സിന്റെ ഗവണ്‍മെന്റിന് മുന്നറിയിപ്പ് നല്‍കിയിട്ടുണ്ട്.
ഈ വര്‍ഷം മാത്രം ജര്‍മ്മനിയിലെ പ്രാദേശിക ഭരണകൂടങ്ങള്‍ ഏകദേശം 29.7 ബില്യണ്‍ യൂറോയുടെ കടക്കെണിയിലാണ് (Deficit). വരും വര്‍ഷങ്ങളിലും (2027, 2028) ഈ സാമ്പത്തിക പ്രതിസന്ധി തുടരുമെന്നാണ് കണക്കുകള്‍. റോഡുകളും പൊതു കെട്ടിടങ്ങളും തകരുമ്പോള്‍ അത് ഭരണകൂടത്തിന്മേലുള്ള ജനങ്ങളുടെ വിശ്വാസത്തെ ബാധിക്കുമെന്നും, കേന്ദ്ര സര്‍ക്കാര്‍ അടിയന്തിരമായി ഇടപെടണമെന്നും തദ്ദേശ സ്വയംഭരണ കൂട്ടായ്മയുടെ (ഉഘഠ) പ്രസിഡന്റ് ആവശ്യപ്പെട്ടു. ഈ വിഷയത്തില്‍ വരും വ്യാഴാഴ്ച ചാന്‍സലറുമായി സംസ്ഥാന മുഖ്യമന്ത്രിമാര്‍ പ്രത്യേക യോഗം ചേരുന്നുണ്ട്.
- Since 2007
ജര്‍മ്മനിയില്‍ കനത്ത ഉഷ്ണതരംഗം; താപനില 40 ഡിഗ്രിയിലേക്ക്
- dated 22 Jun 2026
Other News Titles:
ജര്‍മ്മനിയിലെ കേരള ലത്തീന്‍ കത്തോലിക്കാ സമൂഹത്തിന്റെ ""ഒപ്പം'' കുടുംബസംഗമം ബിംഗനില്‍ നടത്തി
ജര്‍മനിയിലെ നിലവിലെ സ്ഥിതി അരിയാന്‍ ഈ വീഡിയോ വാര്‍ത്ത കാണുക
ജര്‍മ്മനിയില്‍ മുങ്ങിമരണം ; ഹൈഡല്‍ബര്‍ഗില്‍ നെക്കാര്‍ നദിയില്‍ മലയാളി മാസ്ററര്‍ ബിരുദ വിദ്യാര്‍ത്ഥി മുങ്ങിമരിച്ചു
ജര്‍മനിയുടെ "ലോകകപ്പ് ദുരന്തം"ത്തില്‍ ഞെട്ടി ആരാധകര്‍
ഒരു വിട്ടുവീഴ്ചയുമില്ല 33 ശുപാര്‍ശകളും അതേപടി നടപ്പിലാക്കും ജര്‍മ്മനിയില്‍ വിപ്ളവകരമായ പെന്‍ഷന്‍ പ്രഖ്യാപനവുമായി ചാന്‍സലര്‍
ജര്‍മ്മനിയില്‍ 'മിനി ജോബ്' സംവിധാനം നിര്‍ത്തലാക്കുന്നു ആരെയൊക്കെ ബാധിയ്ക്കും രക്ഷപെടാന്‍ മറ്റുവഴിയുണ്ടോ
ജര്‍മ്മനിയില്‍ ചരിത്രപരമായ ആരോഗ്യ പരിഷ്കരണം ഇന്‍ഷുറന്‍സ് തുകയില്‍ വന്‍ മാറ്റങ്ങള്‍ മരുന്നുകള്‍ക്ക് വില കൂടും
Comments: